+24 °С
Ямғыр
Башҡа яңылыҡтар
9 Сентябрь 2022, 07:29
Хоҡуҡ һаҡсылары ришүәт алыуҙа ғәйепләнә
Өфөлә наркотиктарҙың законһыҙ әйләнешенә ҡаршы көрәш бүлегенең ике оперуполномоченныйы ришүәт алыуҙа ғәйепләнә.
Хоҡуҡ һаҡсылары ришүәт алыуҙа ғәйепләнә
Башҡортостан буйынса Тәфтиш комитеты хәбәр итеүенсә, уларға ҡаршы «Алдан һүҙ ҡуйышып, ҙур күләмдә ришүәт алыу» статьяһы буйынса енәйәт эше ҡуҙғатылған.
Тәфтишселәр версияһы буйынса, 2022 йылдың авгусында оперуполномоченныйҙар Өфө кешеһенә, уларға 400 мең һум аҡса тапшырһа, тикшереүҙе туҡтатырға вәғәҙәләй. Ләкин ул ришүәт алған саҡта тәфтишселәр Федераль именлек хеҙмәте идаралығы хеҙмәткәрҙәре менән бергә ғәйепләнеүселәрҙең береһен ҡулға алған. Һуңғараҡ икенсе ғәйепләнеүсе лә тотҡандар.
Башҡортостан буйынса Эске эштәр министрлығы хәбәр итеүенсә, был осраҡ буйынса тикшереү башланған. Әгәр оперуполномоченныйҙарҙың ғәйебе раҫланһа, улар эске эштәр органдарынан бушатыласаҡ һәм законлы яза аласаҡ.
Әле ғәйепләнеүселәр өйҙәрендә һаҡ аҫтында. Тәфтишселәр ҡылынған енәйәттең сәбәптәрен, шулай уҡ ғәйепләнеүселәрҙең башҡа енәйәттәргә ҡағылышлы булыу-булмауын асыҡлауҙы дауам итә.
