+24 °С
Ямғыр
Башҡа яңылыҡтар
7 Сентябрь 2022, 05:38
Һыу инеү миҙгеленә йомғаҡ яһалды
Ҡыҙғанысҡа ҡаршы, һыу инеү миҙгелендә...
Һыу инеү миҙгеленә йомғаҡ яһалды
Ҡыҙғанысҡа ҡаршы, һыу инеү миҙгелендә 84 кеше, шул иҫәптән 10 бала үлгән. Фажиғәләрҙең төп сәбәбе - йыһазландырылмаған урындарҙа һыу инеү һәм балаларҙы ҡарауһыҙ ҡалдырыу. Был турала Башҡортостандың Ғәҙәттән тыш хәлдәр буйынса дәүләт комитеты рәйесе Фәрит Ғүмәров муниципаль берәмектәрҙең оператив штабтары етәкселәре менән кәңәшмә үткәргәндә хәбәр итте.
Шуны ла билдәләргә кәрәк: уҙған йыл менән сағыштырғанда батып үлеүселәр һанын 25 кешегә кәметеүгә өлгәшелгән.
Республикала 126 пляж эшләгән (2021 йыл менән сағыштырғанда 16 пляжға күберәк). Пляждар иҫәбе буйынса Башҡортостан, былтырғы кеүек үк, Волга буйы федераль округында беренсе урынды биләй. Башҡортостан Республикаһының Ғәҙәттән тыш хәлдәр буйынса дәүләт комитеты, Рәсәй Ғәҙәттән тыш хәлдәр министрлығының баш идаралығы, полиция хеҙмәткәрҙәре, муниципалитеттарҙың мобиль профтөркөмдәре 34 меңдән ашыу профрейд уҙғарған, яҡынса 1 600 административ протокол төҙөлгән.
Быйыл профилактик эш барышында уртаҡ тырышлыҡ менән Башҡортостандың һыу объекттарында 247 кешенең, шул иҫәптән 67 баланың ғүмере һаҡлап ҡалынған.
Фото: goskomitetrb
