Сәскә урынына – ...кәнсә тауарҙары

Күрше Силәбенән Анжелика һәм Евгений Денисовтар туйға килгән ҡунаҡтарҙан сәскә урынына ... кәнсә тауарҙары бүләк итеүҙе һораған. Туйҙан һуң улар был әйберҙәрҙе күп балалы, мохтаж, инвалид бала тәрбиәләгән ғаиләләргә таратҡан.

- Бүләк ителгән сәскәләр бер аҙнанан һулып юҡҡа сыҡһа, беҙ уларҙы ташлар инек, ә былай, исмаһам, кәнсә тауарҙарын балалар бер йыл буйы ҡыуанып, рәхәтләнеп ҡулланасаҡ, - ти йәштәр.

Йәштәрҙең теләген барлыҡ дуҫтары, туғандары хуплап ҡаршы алған.

Ярҙам алыусылар араһында өс балаһын яңғыҙ тәрбиәләгән Ләйсән Шәһиәздәнова ла бар.

- Өлкән улым икенсе класҡа бара. Кәнсә тауарҙарына яҡынса 1500-2000 һум аҡса китер ине. Унан тыш, костюм һәм аяҡ кейеме кәрәк. Был беҙҙең ғаилә өсөн ҙур ярҙам булды. Йәштәргә ҙур рәхмәт! – ти.

“Беҙҙең өлгөгә башҡалар ҙа ҡушылыр, тигән өмөттәбеҙ. Ә шәхсән үҙебеҙ киләсәктә лә ошондай изге эштәрҙә ҡатнашырға, яңы башланғыстар уйлап сығарырға теләйбеҙ”, - ти Анжелика менән Евгений.

Сығанаҡ: “СРОЧНАЯ НОВОСТЬ!” төркөмө.

Фото: видеонан скриншот.