Башҡортостанда ата-әсәләрҙең республика советы ойошторола

Башҡортостанда Мәғариф һәм фән министрлығы ҡарамағында ата-әсәләрҙең республика советы ойошторола тип хәбәр итә "Башинформ" агентлығы. Ведомство етәксеһе Айбулат Хажин ҡул ҡуйған тейешле бойороҡ республиканың рәсми хоҡуҡи мәғлүмәт интернет-порталында баҫылған.

Документтан күренеүенсә, совет «ата-әсәләр, уҡыусылар һәм тәрбиәләнеүселәрҙең хоҡуҡтарын һәм бурыстарын тәьмин итеүҙә ата-әсәләрҙең үҙидара органдары эшмәкәрлеген координациялау, уларҙың мәғариф өлкәһендәге идара итеү органдары һәм белем биреү ойошмалары менән үҙ-ара килешеп эш итеүен нығытыу» өсөн ойошторола.

Ата-әсәләр советы эшмкәрлегенең төп принциптары — иреклелек, тиң хоҡуҡлылыҡ, үҙидара, законлылыҡ һәм асыҡлыҡ. Советтың ҡарарҙары тәҡдим рәүешендә ҡалдырыла.

Ата-әсәләр советы составы Башҡортостан Мәғариф һәм фән министрлығы бойороғо менән ике йылға раҫлана.

https://www.bashinform.ru/news/social/2022-08-26/v-bashkirii-sozdadut-respublikanskiy-sovet-roditeley-2923173