Тракторлы булдылар

Муниципаль район хакимиәте башлы­ғы Әлфир Сабиров Ҡырмыҫҡалы ауыл Советы хакимиәте башлығы Айрат Хоҙай­ҙатовҡа һәм Ҡабаҡ ауыл Советы хаки­миәте башлығы Руслан Әйүповҡа Беларус 82.1 тракторҙарының асҡыстарын тап­шыр­ҙы. Районда иң ҙур булған биләмәләр өсөн был техника бик кәрәкле. Заманса тех­ни­ка халыҡҡа хеҙмәт сифатын яҡшыртыу мөмкинлеген бирәсәк.
Был көндө шулай уҡ Иҫке Муса һәм Бо­­ҙаяҙ ауыл Советтары биләмәләре баш­лыҡ­тары Илмира Ғәлиәхмәтова һәм Ил­мир Латипов трактор сапҡыстары алды.
- “Ҡала округтарын һәм ауыл билә­мәләрен коммуналь техника һәм ҡорамал­дар менән йыһазландырыу” программаһы сиктәрендә Ҡырмыҫҡалы һәм Ҡабаҡ ауыл Советтарына Беларус МТЗ-82.1 тракторы асҡыстарын тапшырҙыҡ. Бөгөнгө көндә яңы техника йәмәғәтселек урындарын, ихаталарҙы йыйыштырыу һәм төҙөк­лән­дереүгә тос өлөш була. Яңы машиналар күп функциялы, уларҙы ҡыш та, йәй ҙә файҙаланып була. Ауылдарҙы төҙөклән­дереү мәсьәләһе буйынса тағы ла яҡшы һөҙөмтәләр күрербеҙ, - тине Әлфир Фәрхәт улы.
Әйткәндәй, коммуналь хужалыҡ техникалары республика бюджеты ярҙамы буйынса алына. Һәр тракторҙың хаҡы ике миллион һумдан ашыу тип баһалана. Яңы техника ярҙамында эш күпкә тиҙерәк һәм сифатлы башҡарылыр, тигән өмөттә ҡала ауыл Советтары биләмәләре баш­лыҡтары.
- Биләмәләрҙең ваҡытында һәм сифатлы төҙөкләндерелеүе бик мөһим. Шуға күрә трактор паркын яңыртыу йәйге һәм ҡышҡы осорҙарҙа биләмәләрҙе тәртипкә килтереү мәсьәләһен тиҙ арала башҡарыу мөмкинлеген бирәсәк,- тине Ҡыр­мыҫ­ҡалы ауыл Советы ауыл билә­мәһе башлығы Айрат Хоҙайҙатов.
Фирүзә РӘХМӘТУЛЛИНА.