Күҙ тейеүгә ышанмай торғайным...

Йырсы Гөлназ Асаеваның ҡыҙы Динәгә күҙ тейгән. Бала төндә насар йоҡлаған, көйһөҙләнгән, 20 минут һайын йоҡоһонан уянып аптыратҡан. 

- Паркта йөрөгән саҡта ҡыҙыбыҙ барлыҡ кешегә йылмайып ҡарағайны, үҙенсә нимәлер һөйләне, кешеләр менән аралашты. Бөтә кеше уға был көндө һоҡланып ҡараны. Ошоға тиклем бер ҡасан да күҙ тейеүгә ышанмай торғайным. Динә төндә йоҡламағас, ашатып-эсереп тә ҡараныҡ, теше ҡысыймы икән тип, тешенә лә дарыу һөрттөк, тик быларҙың береһе лә ярҙам итмәне, - тип яҙа ул социаль селтәрҙә.