Йәмләнһен тыуған төйәгебеҙ

“Йәшел Башҡортостан” акцияһы тыуған төйәгебеҙҙе тағы ла матурыраҡ, йәмлерәк итеүселәрҙе бергә тупланы.

Был акция сиктәрендә Ҡырмыҫҡалы ауылындағы плотина буйлап 5 меңгә яҡын ҡарағай үҫентеләре ултыртылды.

Акцияла хеҙмәт коллективтары, мәктәп уҡыусылары ҡатнашты. Өмәгә муниципаль район хакимиәте башлығы ӘлфирСабиров, Башҡортостан Хөкүмәте Премьер-министры урынбаҫары, Башҡортостан Республикаһы финанс министры Лира Иғтисамова, уның урынбаҫарҙары Зинур Бәкиров менән Роза Йосопова ла ҡушылды.

Байтаҡ йылдар уҙыр. Урман шаулап үҫер. Тирә-яҡҡа йәм биреп ултырыр. Ағастар гөрләп үҫһен, урман-һыуҙарыбыҙ мул булһын, тип теләйек.