+15 °С
Облачно
Башҡа яңылыҡтар
20 Апреля 2022, 16:28
Президент башҡорт ҡыҫтыбыйын тәмләп ҡарарға теләй
«Беҙгә лә бер аҙ ҡыҫтыбый ебәрә алмаҫһыңмы», — тине ул Өфө эшҡыуарына.
Президент башҡорт ҡыҫтыбыйын тәмләп ҡарарға теләй
«Рәсәй — мөмкинлектәр иле» ойошмаһының күҙәтеү советы ултырышында ил Башлығы Владимир Путин Өфө эшҡыуары Марат Нәсхетдиновтың проектын хупланы һәм унан бер аҙ башҡорт ҡыҫтыбыйы ебәреүен һораны.
Марат Нәсхетдинов — «Мастера гостеприимства» милли ризыҡтарҙы танытыу конкурсы еңеүсеһе. Ул Өфөлә «Һәйбәт хәлдәр» тип исемләнгән милли аш-һыу ресторанын төҙөгән. Ошо рәүешле ул башҡорт ризыҡтарын пропагандалай.
Тура эфирҙа Владимир Путин яҡташыбыҙҙан ресторандың исеме һәм хәләл продукция хаҡында һорашты. «Һәйбәт хәлдәр» — сәләмләүгә яуаплау, «как дела?» - «Хәлдәр һәйбәт». Киләсәктә хәләл менән шөғөлләнергә планлаштырабыҙ», — тине Марат.
Президент хәләл ризыҡҡа ихтыяж ҙур булыуын билдәләне.
— Беҙ дөйөм туҡланыуҙы үҫтерәсәкбеҙ. Ә сит илдекеләр китһен, әйҙә. Уның ҡарауы, беҙҙең ризыҡтарҙа пестицидтар әҙерәк. Милли аш-һыу — мәҙәниәттең бер өлөшө. Ә беҙҙең мәҙәниәтебеҙ бик бай. Милли аш-һыу тәмле лә, үҙенсәлекле лә.
Автор:Инсаф Хужабирганов
