Әлегә француз компаниялары беҙҙә ҡала...

Франция эшҡыуарҙары берлеге рәйесе Жоффруа Ру де Безье белдереүенсә, уларҙың ил хөкүмәте Рәсәйҙән китергә бойороҡ бирмәгән.

Уның һүҙҙәренсә, Рәсәйҙәге француз компанияларында 160 мең самаһы кеше эшләй. "Улар туҡланырға, эш хаҡы алырға тейеш. Эш биреүсе булараҡ, беҙҙең яуаплылыҡ – эш хаҡы түләү. Быныһы әле SWIFT системаһы буйынса санкциялар индереү арҡаһында бик ҡатмарлы... Шулай ҙа беҙ хеҙмәткәрҙәребеҙҙе уйларға тейеш", – тигән Ру де Безье.

"Ашан", "Данон", "Леруа Мерлен", "Декатлон" кеүек француз компаниялары илдә ҡала, тимәк. Башҡортостанда "Ашан" менән "Леруа Мерлен" бик популяр инде.

Фото: Т. Аманов.

Автор:Алһыу Ишемғолова

https://ye102.ru/articles/ya-yly-tar-ta-ma-y-netu/2022-03-15/leg-frantsuz-kompaniyalary-be-ala-2729164