Аяҡ кейеме таймаһын тиһәгеҙ

Көндөң бер йылытып, бер һыуытып тороуы сәбәпле, юлдарҙа боҙлауыҡтар барлыҡҡа килә. Аяҡ кейемегеҙ тайған осраҡтағы хәлдән сығыуҙың бер нисә юлы бар:

Наждаклы ҡағыҙҙы кәрәкле размерҙа киҫеп алып, итегегеҙҙең табандарына “Момент” елеме менән йәбештереп ҡуйһағыҙ, 3-4 аҙна ҡурҡмайынса йөрөй алаһығыҙ.
Аяҡ-кейеме табанына кейеҙ киҫәге йәбештерһәгеҙ, 1-2 аҙнаға етәсәк.
Аптеканан рулонлы лейкопластырь һатып алып, аяҡ кейеменең ҡоро табанына бер нисә урынға йәбештереп ҡуйырға була.
Итек ремонтлаусынан аяҡ-кейеменең үксәһенә полиуретан набойка ҡуйҙырырға мөмөкин.
Магазиндарҙа тайған итектәргә эләктереп ҡуя торған махсус ҡоролмалар һатыла.