Башҡортостанда индексациянан һуң уртаса пенсия күләме аталды

Республиканың эшләмәгән пенсионерҙарына индексацияланған түләүҙәр бөгөндән башлап ғәҙәти график буйынса таратыла. 1 ғинуарҙан пенсия 5,9 процентҡа артты. 1 февралдән ул тағы ла 8,6 процентҡа тиклем индексацияланды.

Февраль пенсияһы менән бергә пенсионерҙар ғинуар өсөн өҫтәмә аҡса алырға тейеш (пенсияны 5,9 проценттан 8,6 процентҡа тиклем индексациялауҙы иҫәпкә алып). Түләүҙәр автоматик рәүештә килә, бының өсөн Пенсия фондына мөрәжәғәт итергә кәрәкмәй.

«Страховка пенсияһын һәм страховка пенсияһына билдәләнгән түләү күләмен индексациялау 1,050 миллиондан ашыу пенсионерға ҡағылды. Башҡортостанда ҡартлыҡ буйынса страховка пенсияһының уртаса күләме индексациянан һуң 17,5 мең һум тәшкил итте», — тип белдерҙе Пенсия фондының Башҡортостан бүлексәһе идарасыһы Фоат Хантимеров.

https://www.bashinform.ru/news/economy/2022-02-03/nazvana-srednyaya-pensiya-v-bashkirii-posle-indeksatsii-2679164