Башҡортостан Яңы йылда ял итеү өсөн Рәсәйҙең иң яҡшы биш курорты иҫәбенә инде

Башҡортостандың Туризм буйынса дәүләт комитеты рәйесе вазифаһын башҡарыусы Ринат Фәтҡуллин был яңылыҡҡа ҡарата үҙ фекерен белдерҙе.

«Республикабыҙ биләмәһендә урынлашҡан Урал тауҙарының һырттары байтаҡ йылдар инде Рәсәйҙең төрлө төбәктәренән тау саңғыһы спортын яратыусыларҙы үҙенә тарта. Был аңлашыла ла, сөнки беҙҙә бер нисә шәп ҡышҡы спорт үҙәге бар, шуларҙың береһе – Абҙаҡ», — тине ул.

Рейтингта тәүге урындарҙы «Роза Хутор» (Сочи) һәм «Эльбрус» (Ҡабарҙа-Балҡар) курорттары биләй, «Белокуриха» (Алтай крайы) — өсөнсө, «Шерегеш» (Кемерово өлкәһе) бишенсе баҫҡыста килә.

https://bash.bashinform.ru/news/social/2021-12-03/bash-ortostan-ya-y-yylda-yal-ite-s-n-r-s-y-e-i-ya-shy-bish-kurorty-i-ben-inde-2605394 

Фото:«Башинформ» мәғлүмәт агентлығы архивы