Башҡортостанда юл фажиғәһендә «Лада Ларгус» водителе һәләк булған, ике кеше йәрәхәттәр алған

Республика Дәүләт автоинспекцияһының матбуғат хеҙмәте хәбәр итеүенсә, Ford Mondeo ҡаршыға килгән «Лада Ларгус» автомобиле менән бәрелешкән.

«Ларгус»тың 50 йәшлек водителе алған йәрәхәттәрҙән ашығыс ярҙам машинаһында йән биргән. Ford Mondeo автомобиленең 23 йәшлек водителенә һәм уның 24 йәшлек пассажирына ла медицина ярҙамы талап ителгән. ЮХХДИ хеҙмәткәрҙәре юл-транспорт ваҡиғаһы буйынса тикшереү башлаған.

Фото:Башҡортостан Республикаһы буййынса ЮХХДИ

https://bash.bashinform.ru/news/law/2021-11-18/bash-ortostanda-yul-fazhi-end-lada-largus-voditele-l-k-bul-an-ike-keshe-y-r-h-tt-r-al-an-2588015