Өфөлә әсәһенән коронавирус йоҡторған өс сабый реанимацияға эләккән

«Башинформ» агентлығы хәбәрсеһенә Башҡортостандың һаулыҡ һаҡлау министры Максим Забелин хәбәр итеүенсә, яңы тыуған өс сабый – ауыр хәлдә реанимацияла, башҡа балаларҙың хәле тотороҡло.

«Балаларҙы дауалау протоколы бар. Кескәй пациенттарға вирусҡа ҡаршы препараттар тәғәйенләйҙәр, билдәләргә ҡарап дауалайҙар, күрһәтмәләр буйынса гормональ препараттар ҡулланалар», - тине Максим Забелин.

Йөклө ҡатын-ҡыҙҙарға 12-се аҙнанан прививка яһатырға мөмкин, шулай уҡ ауырға ҡалғансы прививка эшләтергә тәҡдим ителә, тип билдәләне министр.

«Анализ күрһәтеүенсә, вакцина яһатҡан әсәнән тыуған сабыйҙарҙа антиесемдәр бар», - тине министрлыҡ етәксеһе.