Бөтә яңылыҡтар
Башҡа яңылыҡтар
24 Октябрь , 13:21

Күп балалы ғаиләләр, һеҙҙең иғтибарға!

Номинацияла еңгәндәр “Күп балалы ғаилә – милләт ғорурлығы” фильмын төшөргәндә ҡатнашасаҡ.

Күп балалы ғаиләләр, һеҙҙең иғтибарға!

Республиканың ата-әсәләр һәм педагогтар ассоциацияһы 2021 йылда “Күп балалы ғаилә – ғаилә бәхете палитраһы” проекты менән Башҡортостан бюджетынан һәм Рәсәй Президенты грантынан субсидиялар рәүешендә гранттар алыу конкурсында еңеүсе булды.

Был проект – 2020 йылда башланған эштәрҙең дауамы. Ул 38 ҡала округтарынан һәм муниципаль райондарҙан йөҙҙән ашыу күп балалы ғаиләне йәлеп итте. Яңы проектҡа ярашлы, ассоциация республиканың Граждандар йәмғиәтенә ярҙам итеү фонды, Ғаилә, хеҙмәт һәм халыҡты социаль яҡлау министрлығы һәм проект партнерҙары ярҙамында ғаилә ҡиммәттәрен, именлеген һаҡлауға, нығытыуға йүнәлтелгән саралар үткәрәсәк.

1 ноябрҙән күп балалы ғаиләләр өсөн “Ғаилә калейдоскобы” конкурсы башлана. Конкурсанттар “Һөнәр бәхете”, “Ғаилә ижады”, “Социаль әүҙем ғаилә” номинацияларында ҡатнашып, ғаилә һөнәре, ижад йәки соцаль әһәмиәтле проекттар тураһында видеоролик ебәрергә тейеш. Номинацияла еңеүселәр “Күп балалы ғаилә – милләт ғорурлығы” фильмын төшөргәндә ҡатнашасаҡ.

Киләһе йылдың март айында проектты йомғаҡлау сараһы – “Ғаилә палитраһы” арт-фестивале үткәреләсәк. Иң яҡшы видеороликтар Башҡортостан Ғаилә порталында урынлаштырыласаҡ (www.семьярб.рф).

Фото: Ғаилә, хеҙмәт һәм халыҡты социаль яҡлау министрлығы.

 

Автор:Дина Арсланова
https://bashgazet.ru/articles/sotsial-m-s-l/2021-10-22/k-p-balaly-ail-l-r-e-e-i-tibar-a-2557585
Автор:Фируза Рахматуллина