Ҡәҙерлебеҙ, һин беҙгә күгебеҙҙә балҡыған яҡты яҙғы ҡояш кеүекһең. Һин тыуған йортобоҙҙоң тотҡаһы. Яғымлы һүҙҙәреңде ишетеү, арҡанан һөйөп яратыуҙарыңды тойоу үҙе бер бәхет. Һин булғанда тормошобоҙ бөтөн, аҙымдарыбыҙ ышаныслы. Беҙгә биргән матур тәрбиәң, мөхәббәтең, хәстәрлегең, сабырлығың, һаман беҙҙе ҡайғыртып йәшәүең өсөн рәхмәт.
Ауырлыҡтар алдында баш эймәйенсә, йәшәүҙән йәм табып, изгелектәреңдең игелектәрен күреп, балаларыңдың күңел йылыһын тойоп, бәхет-шатлыҡта, мул тормошта, иҫәнлектә, һаулыҡта ғүмер итергә насип итһен.
Киләсәктә яҡындарыңдың матур яҙмышына шаһит булып, уларҙың һөйөнөстәренә ҡыуанып, донъя рәхәтлектәрен кисереп, яҡындарыңа йәшәйеш сығанағы булып, именлектә, бәхеттә, күңел нуры менән килер көндәребеҙҙе яҡтыртып йәшә лә йәшә.
Сәләмәт бул, ҡәҙерлебеҙ,
Бәхет ҡунһын күңелең түреңә.
Барыбыҙға ҡанат, терәк булып,
Талмай атла ғүмер үреңә.
Ерҙә ҡояш нуры балҡығандай,
Һин балҡыйһың беҙҙең күңелдә.
Тормошобоҙ һинең менән йәмле,
Рәхмәтлебеҙ һиңә мәңгегә.
Иң изге теләктәр менән ҡыҙың Әлиә, кейәүең Мәғәфүр, улың Азамат, киленең Гөлшат һәм ейән-ейәнсәрҙәрең.