Даирә
-16 °С
Болотло
75 лет Победы
Бөтә яңылыҡтар
Башҡа яңылыҡтар
20 Май 2021, 13:48

Ҡыҙҙы икенсе көн эҙләйҙәр...

Республикала инде икенсе көн 15 йәшлек Олеся Сафонованы эҙләйҙәр.

“Лиза Алерт. Башҡортостан” төркөмөндә хәбәр итеүҙәренсә, Дыуан районының Мәсәғүт ауылында йәшәгән ҡыҙ 18 майҙа өйөнән сығып киткән һәм юғалған. Әле уны полиция хеҙмәткәрҙәре һәм ирекмәндәр эҙләй.
Ҡыҙҙың билдәләре: буйы 175 сантиметр, ҡаҡса, ерән сәсле, һоро-йәшел күҙле.
Юғалған көндө асыҡ һары төҫтәге еңел куртҡа, ҡара салбар, ҡуңыр кроссовка кейгән булған.
Ҡыҙҙы күрһәгеҙ йәки ҡайҙа булғанын белһәгеҙ, 8-800-700-54-52 йәки 112 телефондарына шылтыратығыҙ.
Мәғлүм булыуынса, уның диуарында “Көн байыған саҡта китәм, хушлашыу яҙмаһын ҡалдырмайынса” тигән яҙыу тора, шулай уҡ хәүефкә һалған аватар-һүрәт ҡуйылған – сәскә араһында йәш ҡыҙҙың һөлдәһе.
Яҡшыға өмөт итәйек...
Фото: “Лиза Алерт. Башҡортостан” төркөмөнән.
Автор: Рәмилә Мусина
Читайте нас в