Ғәҙәттән тыш хәлдәр министрлығы республикала аномаль эҫелек тураһында иҫкәртте

Ғәҙәттән тыш хәлдәр министрлығы Башҡортостанда аномаль эҫелек тураһында иҫкәртте. «13 майҙан 17-һенә тиклем республикала аномаль эҫе һауа торошо, уртаса һауа температураһының норманан 7 градусҡа юғарыраҡ булыуы көтөлә. Һаҡ булығыҙ!» — тиелә ведомство белдереүендә.

Бынан алда Башгидрометүҙәктән был көндәрҙә һауа температураһының төндә +7, +13, көндөҙ иһә +23, +28-ҙән +25, +30 градусҡа тиклем күтәрелеүе тураһында хәбәр иткәйнеләр.

Белгестәрҙең мәғлүмәте буйынса, Башҡортостанға ҡоро антициклон Урта Азия сүллектәренән килгән.

https://www.bashinform.ru/news/1592409-v-bashkirii-obyavleno-shtormovoe-preduprezhdenie-iz-za-anomalnoy-zhary/