Башҡортостанда 11 майҙа республика хөкүмәтендәге оператив кәңәшмәлә балалар баҡсаларында һәм башланғыс кластарҙа сығарылыш кисәләре мәсьәләһе күтәрелде.

Башҡортостан Республикаһы Башлығы Хакимиәте етәксеһе Александр Сидякин ата-әсәләрҙең балаларының ғүмерендәге ошондай мөһим сарала ҡатнашырға теләүе тураһында әйтте. Ул республикалағы эпидемиологик хәл ата-әсәләрҙе сығарылыш кисәһенә индерергә рөхсәт итәме, юҡмы икәнен асыҡланы.

Башҡортостандың һаулыҡ һаҡлау министры Максим Забелин ата-әсәләрҙе билдәле шарттарҙа ғына сығарылыш кисәһенә индерергә тәҡдим итте.

«Шундай тәҡдимем бар: кәмендә вакцинаның беренсе компонентын алған йәки сирләгәндән һуң антисемдәре юғары булған ата-әсәләрҙе әлеге сараларға индерергә мөмкин», — тине ул.

Башҡортостан Башлығы Радий Хәбиров юғары әҙерлек тураһында указға тейешле үҙгәрештәр әҙерләргә ҡушты.