“Даирә” мөхәррире Рәхмәт хаты менән бүләкләнде

Ғафури районында ойошторолған “Медиайыйын” форумында республиканың милли киң күләм мәғлүмәт саралары мөхәррирҙәре һәм хәбәрселәре араһында Ҡырмыҫҡалы мәғлүмәт үҙәге хеҙмәткәрҙәре лә бар.
Форумдың беренсе көнө ҡырмыҫҡалылылар өсөн һөҙөмтәле булды. Башҡортстан Республикаһының Матбуғат һәм киң күләм мәғлүмәт саралары агентлығы етәксеһе Максим Ульчев “Даирә” гәзите мөхәррире Эльнара Флүр ҡыҙы Шаймарҙанованы актив мәғлүмәти эшмәкәрлеге һәм юғары һөнәри оҫталығы өсөн Рәхмәт хаты менән бүләкләне.
Хеҙмәттәшебеҙҙе ысын күңелдән ҡотлайбыҙ һәм алға табан да ижади уңыштар теләйбеҙ.