Апрелдә республикала башҡаса аномаль йылы һауа торошо көтөлмәй

Республика гидрометеорология һәм тирә-яҡ мөхитте күҙәтеү идаралығының гидрометүҙәге етәксеһе Анна Козаева һүҙҙәренсә, температура түбәнәйә башлай. Урыны менән бер аҙ яуым-төшөм фаразлана.

«Шәмбе, 17 апрелдә, төндә 0, +5, көндөҙ +10,+15 градус була. Йәкшәмбе температураның +8,+13 градусҡаса түбәнәйеүе көтөлә, иң һалҡын көндәр – 19 һәм 20 апрель, көндөҙ һауа температураһы +8,+13 градустан күтәрелмәй», — тине синоптик республикала ташҡынға бәйле хәл тураһында брифингта.

Анна Козаева һүҙҙәренсә, апрелдәге аномаль йылы көндәр артта ҡалды. Киләһе аҙнала антициклондың баҫымы көсәйә, һауа температураһы нормаға ярашлы була: көндөҙ +10, +15, төндә +3 градус.

https://www.bashinform.ru/news/1582329-v-aprele-na-territorii-bashkirii-anomalnoy-zhary-bolshe-ne-ozhidaetsya/