Төркиәгә йөрөмәй тороғоҙ!

Йыл башынан ковид менән сирлеләрҙең 80 проценты ошо илдән ҡайтҡан.

Рәсәй 15 апрелдән 1 июнгә тиклем Төркиә менән даими һәм чартер авиабәйләнеште сикләйәсәк. Был хаҡта кисә, Хөкүмәт вице-премьеры Татьяна Голикова һүҙҙәренә таянып, “Известия” хәбәр итте.

“Роспотребнадзор” етәксеһе Анна Попова аңлатыуынса, рәсәйҙәр Төркиәгә сәфәрҙән һуң коронавирус инфекцияһының төрлө штамдарын йоҡтороп ҡайта.Уның һүҙҙәренә ҡарағанда, йыл башынан ковид менән сирлеләрҙең 80 проценты ошо илдән ҡайтҡан.

Төркиәлә март уртаһынан коронавирус инфекцияһының ныҡ таралыуы күҙәтелә. Шулай булғас, был сикләүҙәр менән ризалашырға, Төркиәгә йөрөмәй торорға тура килә.

Фото:Rosstur39.ru

Автор: Дина Арсланова

https://bash.rbsmi.ru/articles/matur-t-en-yaly-y/T-rki-g-y-r-m-y-toro-o-759425/

Читайте нас