Владимир Путин Иглин малайының тәҡдимен хупланы

Ил етәксеһе менән аралашыу барышында малай “Хәтер баҡсаһы” тип аталған проектын хуплауҙы һораны. Матвейҙың уйынса, ер ҡарҙан әрселгәс, мәктәп уҡыусылары ағас ултыртыу акцияһын ойошторорға тейеш.

“Һаумыһығыҙ, мин - Матвей Анискин, 11 йәштәмен, 5-се класта уҡыйым. Башҡортостандың Иглин ҡасабаһында йәшәйем”, - тип мөрәжәғәтен башланы малай тура эфир мәлендә. Экология менән күптән ҡыҙыҡһыныуын, тиҫтерҙәренең был мәсьәләгә битараф булмауын белдерҙе.

“Тәҡдимем – уҡыусылар араһында “Хәтер баҡсаһы” тип аталған акция ойоштороу. Уға ярашлы, һәр ҡатнашыусы Бөйөк Ватан һуғышында ата-бабаһының ниндәй ҡаһарманлыҡ күрһәткәнен өйрәнеп, шул турала һөйләргә тейеш. Ошолай улар хаҡында хәтерҙе мәңгеләштерә алабыҙ”, - тине Матвей.

“Супер! Экологик программаларға ярашлы быға оҡшаш проекттар бар, мемориаль йүнәлештәге тәҡдимдәрҙе лә яңыраҡ ҡараныҡ. Әммә һеҙ үҙ тәҡдимегеҙ менән сәпкә тейҙегеҙ, - тине Владимир Путин. - Бик эшлекле тәҡдим. Рәсәй Президенты Хакимиәтенә был мәсьәләгә иғтибарҙы йүнәлтергә һәм һеҙҙең тәҡдимде хупларға тәҡдим итермен. Рәхмәт”.

Фото: https://vk.com/young_ecologist_matthew?z=photo436628605_457239199%2Fphotos436628605