Республикала тәүлек эсендә дүрт сирле коронавирустан вафат булды, үлгәндәрҙең дөйөм һаны – 182

Республиканың яңы коронавирус инфекцияһына ҡаршы көрәш буйынса оператив штабы 29 ғинуарға ҡарата мәғлүмәттәрҙе хәбәр итте. Тәүлек эсендә 167 сирле өҫтәлгән. Шулай итеп, бөтәһе кешелә 23 912 коронавирус асыҡланған.

COVID-19-ҙан дүрт үлем осрағы теркәлгән. Бөтәһе 182 кеше вафат булған.

Стационарҙа 409 пациент дауалана, 49-ы – ауыр хәлдә, 17-һе – үпкәне елләтәү аппаратында.

5 668 кеше өйҙә дауалана. Бер тәүлектә — 138, йәмғеһе 18 062 сирле һауыҡҡан.

Хәбәр ителеүенсә, тәүлек эсендә 235 дауахананан тыш пневмония осрағы асыҡланған. Пневмониянан һауыҡҡан пациенттар — 198.

«Башинформ» мәғлүмәт агентлығы

Фото: «Башинформ» мәғлүмәт агентлығы