Даирә
-9 °С
Болотло
75 лет Победы
Бөтә яңылыҡтар
Башҡа яңылыҡтар
25 Ғинуар 2021, 15:05

Трактор алыу өсөн тауыш бирҙеләр

Яңы Ҡыйышҡы ауыл Советы билә­мәһенә ҡараған Мөкәй ауылы халҡы си­рат­тағы йыйылыш уҙғарҙы. Йыйы­лыусылар “Урындағы башланғыстарҙы хуплау” программаһында ҡатнашыу мәсьәләләре буйынса фекер алышты.

Бөгөнгө көндә бында трактор алыу мәсьәләһе көнүҙәк булып тора. Ауыл Советы хакимиәте башлығы Гөлсәсәк Сәғитова билдә­ләүенсә, ауыл биләмәһе был программала ҡатнашҡаны булған: 2017 йылда Яңы Ҡы­йышҡы ауы­лында зыя­раттың кәртәһе төҙөк­ләндерелә.
Йыйылышта мөкәйлеләр бер тауыштан был проектта ҡатнашырға теләк белдерҙе. Кәрәкле сумманың 10 про­центы халыҡтан йыйы­ласаҡ. Эште контролдә тотоу һәм аҡса йыйыу өсөн Ришат Рим улы Халиҡов, Хәниә Сәфәрғәли ҡыҙы Рәх­мә­туллина, Рәсинә Рамазан ҡыҙы Хәмитова, Миң­легөл Ваһап ҡыҙы Мө­хә­мәт­шина, Закира Миңнулла ҡыҙы Хә­ми­тованан торған ини­циатива төркөмө төҙөлдө. Мөкәйлеләр уртаҡ тыры­шылҡ менән маҡсат­та­рына ирешер, тип ышанабыҙ.
Айгөл Әбдрәшитова.
Читайте нас в