Ташландыҡ балалар баҡсаһында – туңған кәүҙә

Алтмыш йәшлек ҡатын ғинуар башында юғалғайны. Әле асыҡланыуынса...

Быйыл йыл башында, 7 ғинуарҙа, Бәләбәй районында 60 йәшлек ҡатын юғалғайны. Уны “Лиза Алерт” эҙәрмәндәре һәм полиция хеҙмәткәрҙәре эҙләне. Һәм бына эҙәрмәндәр төркөмөндә насар яңылыҡ баҫылды: ҡатын табылған, тик үле килеш.

Асыҡланыуынса, өлкән йәштәге ҡатындың туңған кәүҙәһен элек балалар баҡсаһы булған бинаның подвалында тапҡандар. Уның нисек үлгәне әлегә билдәһеҙ.

“Бәләбәй районында ҡатындың кәүҙәһе табылыу буйынса тикшереү бара, урынды ҡарап сыҡтылар һәм суд-медицина экспертизаһы билдәләнде. Урында йәшәгән кешеләрҙән һорау алына, ҡатындың нисек үлгәне асыҡлана. Уның һөҙөмтәләре буйынса процессуаль ҡарар ҡабул ителәсәк”, – тинеләр был турала Тәфтиш комитеты матбуғат хеҙмәтендә.

Фото: "Лиза Алерт".

Автор: Альфия Мингалиева

https://bash.rbsmi.ru/articles/kh-ef-e-lek/Tashlandi-balalar-ba-sa-inda--tu-an-k-641627/

Читайте нас:

Новости партнеров

1 ғинуарҙа саҡ үлемдән ҡалған

На уровне молекул

“Ана капиталы” акчасы калган иде

Телефон

8(34765) 2-32-85

Электрон почта

[email protected]