Бер төндә юғалған

Күңелһеҙ ваҡиға Стәрлетамак районы Яңы Федоровка ауылында була: йорт гаражынан бер төндә 280 килограмм ит юҡҡа сыға. Ҡыҙғанысҡа ҡаршы, ҡышҡылыҡҡа һуғымға тип тәғәйенләнгән иттәрҙән "елдәр оса".

Был хәл 17-нән 18-нә ҡараған төндә теркәлгән. Йорт хужабикәһе ит запасы һалынған йорт янындағы гараж ишеген ябып, бикләргә онотҡан, ә бур бынан бик оҫта файҙаланған. Уғры асыҡ гаражға инеп, итте рәхәтләнеп урлаған. Итенең юғалыуы хаҡында ҡатын иртәнсәк кенә белгән һәм шунда уҡ полицияға ғариза яҙған.

Урлау осрағы буйынса енәйәт эше асылған, тикшереү барышында уғрының аяҡ кейеменең эҙҙәре табылған.

Автор фотоһы.