Дөйөм ҡарарға килделәр

Ибраһим ауылы халҡы ла был программала ҡатнашырға ҡарар ҡабул итте. Йыйы­лыш­та Һәүәләй ауыл хакимиәте башлығы Тимур Ғәлә­үет­ди­нов программа, уның мөм­кинлектәре, шарттары тура­һында ентекле мәғлүмәт еткерҙе.
Ибраһимлылар үҙ-ара кә­ңәш­ләшеп, урындағы зыя­рат­ты кәртәләп алырға кәрәк, тигән фекергә килде. Йыйы­лышта ҡатнашыусылар бер тауыштан был тәҡдимде хупланы. Залдың “Бергәләп ҡулыбыҙҙан килә”, “ППМИ – беҙҙең ышаныс”, “ППМИ-2021. Ибраһим ауы­лы” тигән плакаттар менән биҙәлеүе лә халыҡтың бер төптән эш итеүен күрһәтте. Заһир Әхмә­ҙиев, Венера Хәкимова, Са­жи­ҙә Ка­малова, Рәмзилә Ғә­лиева һәм Ринат Ғәлиев ҡатнаш­лы­ғында инициатив төркөм дә һайланы. Уларҙың төп бурысы - халыҡтан аҡса йыйыу һәм эште ойоштороу. Проблемаларын хәл итеү юлын эҙләгән халыҡ йорт башына 1 мең һум аҡса йы­йырға ҡарар итте. Республика ҡаҙнаһынан бүленгән аҡсаға халыҡ һәм бағымсылар ҙа үҙ өлөштәрен өҫтәйәсәк.
Берҙәм тырышлыҡ менән баш­ҡарылған эш килеп сы­ғыр, тип ышана ибраһим­лылар.
Фәниә Сәлимгәрәева.
Автор фотоһы.