Ковид традицияларҙы үҙгәртә: Башҡортостандың мәғариф министры төп яңы шыршыларының яҙмышы тураһында хәбәр итте

Башҡортостанда мәктәпкәсә учреждениеларҙа Яңы йылды байрам итеү мәсьәләһе хәл ителде.

Башҡортостанда мәктәпкәсә учреждениеларҙа Яңы йылды байрам итеү мәсьәләһе хәл ителде: балалар өсөн иртәлектәр була, ләкин коронавирусҡа бәйле бер ни тиклем сикләүҙәр индерелә. Был хаҡта «Башҡортостан» дәүләт телерадиокомпанияһының «Интервью» тапшырыуында республиканың мәғариф һәм фән министры Айбулат Хажин белдерҙе.

«Мәктәпкәсә учреждениеларҙа яңы йыл иртәлектәре төркөмдәрҙә генә була, әммә ата-әсәләр ҙә, олатай-өләсәйҙәр ҙә ҡатнаша алмай. Ситтән Ҡыш бабай, Ҡарһылыу костюмын кейгән өлкәндәрҙе, шулай уҡ операторҙарҙы саҡырмаҫҡа, ә байрам иртәлектәрен белем биреү ойошмалары хеҙмәткәрҙәре көсө менән үткәрергә кәңәш итәбеҙ», — тине министр.

Ведомство башлығы быйыл Республика һәм Кремль яңы йыл шыршыларын ойоштороу тураһында ла һөйләне.

«Аңлашылыуынса, пандемия шарттарында Республика яңы йыл шыршыһын уҙғара алмайбыҙ, ә беҙҙә йыл һайын 800-гә яҡын бала ҡатнаша торғайны. Ләкин балаларға бүләктәрҙе мотлаҡ тапшырабыҙ, улар һатып алынған да инде. Һәр муниципалитет башлығы ошо бүләктәрҙе балаларға тапшыра, — тине Айбулат Хажин. — Кремль яңы йыл шыршыһы буйынса яуап алабыҙ, быйыл ул да булмаҫ, моғайын».

Мәктәптәрҙәге шыршыларға килгәндә, бында, министр һүҙҙәренсә, «ковид йоҡтороу хәүефен кәметеү» өсөн белем биреү ойошмаларына байрамды урамда уҙғарырға тәҡдим ителә.

https://www.bashinform.ru/news/1530879-kovid-menyaet-traditsii-glava-minobrnauki-bashkirii-soobshchil-o-sudbe-glavnykh-novogodnikh-elok/

«Башинформ» мәғлүмәт агентлығы

Фото: Олег Яровиков

Читайте нас:

Новости партнеров

Был стипендия кемдәргә түләнә?

На уровне молекул

Яңа елда пособиеләр күпмегә артачак?

Телефон

8(34765) 2-32-85

Электрон почта

[email protected]