"Ялҡыттың - ҡасан эшләй башлайһың?!"

Был енәйәт буйынса 36 йәшлек ир шик аҫтына алынған: ул ошо фатирға түләп йәшәгән.

Тәфтишселәр фаразынса, 28-енән 29 ноябргә ҡарай төндә ике ир, эсеп ултыра торғас, талашып киткән. Төп сәбәп - фатир хужаһының эшләргә теләмәүе. Быға йәне көйөүҙән үҙ-үҙен тота алмайынса, 36 йәшлеге табындашының муйынына бысаҡ менән бер нисә тапҡыр сәнскән. Алынған яраларҙан 49 йәшлек ир шунда уҡ йән биргән.

Башҡортостан буйынса Тәфтиш комитеты мәғлүмәтенсә, ирҙе үҙ-үҙенә ҡул һалған итеп күрһәтеү өсөн, енәйәтсе бысаҡты мәрхүмдең ҡулына тоттороп ҡуйған. Нисек кенә йәшерергә тырышмаһын, хәл-ваҡиғаның ысынбарлығы асылып, ир ҡулға алынған. Ғәйебен таныған үлтереүсегә ҡарата енәйәт эше асылған.

Фото: stolicaonego.ru