Кемдәргә ике пенсия түләнә?

Бөйөк Ватан һуғышында ҡатнашыусыларҙың, Ленинград блокадаһында булыусылар һәм хәрби йәрәхәт арҡаһында инвалид булып ҡалыусыларҙың ике пенсия алырға хоҡуғы бар. Шулай уҡ был исемлеккә федераль дәүләт хеҙмәтендә эшләүселәр, космонавтар, осоусы-һынаусылар ҙа инә.

Элекке хәрбиҙәр, әгәр “гражданка”ла тейешле стажды тултырһа, хәрби пенсия ла, страховка пенсияһын да алырға мөмкин. Хәрби хеҙмәткә саҡырылып, хеҙмәт ваҡытында һәләк булғандарҙың ата- әсәләре һәм тол ҡалған ҡатындары ла ( әгәр улар икенсе никахҡа инмәгән булһа) ике пенсия ала. Бынан тыш, Чернобыль эҙемтәләрен бөтөрөүҙә ҡатнашыусыларҙың ғаиләләре ғаиләне ҡараусы вафат булған осраҡта, пенсия, страховка пенсияһын йәки социаль пенсия алырға хоҡуҡлы.

Яңылыҡ авторы: Зөһрә Йәһүҙина

https://yeshlek.rbsmi.ru/articles/ya-yly-tar-ta-ma-y-netu/Kemd-rg-ike-pensiya-t-l-n-570977/

фото Башинформ