Бурҙар магазинға төшкән...

Ошо көндәрҙә Дыуан районының Мәсәғүт ауылында билдәһеҙ кешеләр ювелир магазинына төшкән. Полиция хеҙмәткәрҙәре тарафынан магазиндағы күҙәтеү камераһынан видеояҙмалар алынған, шулай уҡ ҡиммәтле биҙәүестәр һаҡланған бинала бик күп аяҡ кейеме һәм бармаҡ эҙҙәре табылған.

Ҡыҙғанысҡа ҡаршы, ювелир магазинында хәүефһеҙлек сигнализацияһы ҡуйылмаған, махсус рәүештә һаҡланмаған.

Хоҡуҡ һаҡлау хеҙмәткәрҙәре тарафынан урлау осрағы буйынса енәйәт эше асылған, ҡиммәтле ювелир әйберҙәренә "айыу майы" һөртөүселәрҙе эҙләү дауам итә.

Шуныһы ғәжәпкә ҡалдыра: әллә күпме алтын-көмөш биҙәүестәр һатырға мөмкинлек булып та, магазин хужаһы тәү ҡарамаҡҡа бик мөһим булған һаҡланыу саралары хаҡында ни өсөндөр уйлап та бирмәгән... Һаҡланғанды һаҡлармын, тип юҡҡа әйтмәгәндәрҙер инде...

Фото: vedomosti-ua.com

Автор: Карима Усманова

https://bash.rbsmi.ru/articles/kh-ef-e-lek/Bur-ar-magazin-a-t-shk-n-568231/