Юрий Шатунов йырлай алмаҫмы?

Төркөмдөң менеджеры, аҙаҡ етәксеһе булған Андрей Разин был турала: ”Юрий Шатунов киләсәктә үҙ йырҙарын ғына йырлаясаҡ. ”Белые розы”, “Седая ночь”, “Розовый вечер” һәм башҡа 24 композицияға уның авторлыҡ хоҡуғы юҡ. Тағы ла шуныһы: төркөмдөң репертуарындағы йырҙарҙы концерттарҙа, рекламала ҡулланыу осраҡтарына ҙур штраф янай”, - тигән.

Ә Шатунов нәҡ шул йырҙар менән халыҡ күңелен яуланы, популярлыҡ ҡаҙанды. “Белые розы”, “Седая ночь” һ.б. Шатуновтың визит карточкаһы кеүек. Ысынлап та, был йырҙарҙы тик Юрий Шатуновтың башҡарыуында тыңлап өйрәнелгән - башҡа тауышты нисек ҡабул итер икән тамашасы?

Әлегә элекке хеҙмәттәштәр бер төрлө лә килешеүгә, уртаҡ фекергә килә алмайынса, суд юлында йөрөп хәҡиҡәт эҙләргә мәжбүр. Низағ хәйерле тамамланыр тип ышана тамашасылар.

Фото: culture.ru