Бәхет менән тәгәрәһен тормош юлығыҙ

Киленебеҙҙе беҙ тәү күреүҙән үк үҙ итеп, уның беҙҙең ғаилә ағзаһы булыуын шатланып ҡабул иттек. Улыбыҙ, ағайыбыҙ, бабайыбыҙ Рәмил Рәүеф улы менән татыу ғүмер кисе­реү­ҙәренә 27 йыл да булып киткән. Уларҙың икеһенең дә тырыш, егәрле, донъя көтөүгә бөтмөр булыуҙарына һөйөнмәҫлек түгел. Киленебеҙ һәр эшкә лә оҫта - баҡсаһын да гөлдәй итеп ҡарай, ҡул эшенә тотонһа ла һынатмай, аш-һыуҙы ла телеңде йоторлоҡ итеп бешерә. Уның кешелекле, асыҡ йөҙлө булыуы, олоно-оло, кесене-кесе итә белеүе лә һоҡландыра. Яҡындарыбыҙ ике сәскәләй ҡыҙға ғүмер һәм матур тәрбиә бирҙеләр. Лилиә юрист һөнәрен алып, эшләп йөрөй, Алһыу Ҡырмыҫҡалы гимназия­һының 11 классында белем ала.
Киленебеҙ, еңгәбеҙ ошо көндәрҙә үҙенең күркәм ғүмер байрамын – матур юбилейын билдәләй. Ҡәҙерлебеҙҙе ҡотлап, иң изге, матур теләктәребеҙҙе еткерәбеҙ.
Тормош йомғағын әлегеләй бәхет менән генә тәгәрәһен, тормош иптәшең Рәмил Рәүеф улы менән иңгә-иң терәшеп, бар уйлаған матур уй-маҡ­саттары­ғыҙҙы тормошҡа ашырып, ғүмер үрҙәрен артылығыҙ ҙа, арты­лығыҙ. Ҡыҙҙарығыҙҙың бәхет­тәре, шатлыҡ-ҡыуаныстары тормошоғоҙға йәм өҫтәһен, күңелегеҙ әлегеләй изгелеккә бай булһын. Иң мөһиме сәләмәт бу­лығыҙ, тән сихәте, йән тыныс­лығы ташламаһын. Беҙ һеҙҙе яратабыҙ һәм хөрмәт итәбеҙ.
Иң изге теләктәр менән атайығыҙ Рәүеф, әсәйегеҙ Нурия туғандарығыҙ Нурсилә, Ләйлә, Руслан, Ренат һәм Реанна.