Ҡайҙа юғалдың, Илнур?

Республикала сәйер шарттарҙа кешеләрҙең ғәйеп булыуы дауам итә. Күптәре бер нисә көн ҡайҙалыр йөрөп, үҙҙәре ҡайта. Ҡыҙғанысҡа ҡаршы, араларында бәләгә тарығандары, һәләк булғандары ла юҡ түгел. Шуға күрә яҡын кешеләрен юғалтыу туғандары өсөн ҙур ҡайғы һәм бәлә.

Ошо көндәрҙә сәйер шарттарҙа 31 йәшлек Илнур Ғарипов ғәйеп була. Әле яҡындары уны эҙләй һәм мөмкин булған бөтә сығанаҡтарға мөрәжәғәт итә. Илнурҙың апаһы белдереүенсә, ир 1 ноябрҙән бирле юҡ.

– Бер кем бер нимә белмәй. Уның үҙе йәшәгән адрестан такси саҡыртҡанын беләбеҙ. Тик таксист беҙгә уны ҡайҙа алып барғанын әйтеүҙән баш тарта. Һуңғы тапҡыр уны фатирҙа бергә йәшәгән дуҫы күргән, – тигән апай кеше “КП-Уфа” баҫмаһына.

Егеттең юҡ булыуына бер аҙна булып килә. Ғаилә ағзалары полицияға ғариза яҙған.

Илнурҙың билдәләре: буйы 175 см, уртаса буй-һынлы. Уң ҡулында яра эҙе бар. Уның ҡайҙа икәнлеген белһәгеҙ, 8 996 580-06-53 телефоны буйынса хәбәр итеүегеҙ һорала.

Фото: "КП-Уфа".

Автор: Альфия Мингалиева

https://bash.rbsmi.ru/articles/kh-ef-e-lek/ay-a-yu-aldi--Ilnur-533392/

Читайте нас:

Новости партнеров

Был стипендия кемдәргә түләнә?

На уровне молекул

Азык-төлеккә талон системасы кертелергә мөмкин

Телефон

8(34765) 2-32-85

Электрон почта

[email protected]