Коронавирус тағы бер ҡатындың ғүмерен өҙҙө

Башҡортостанда “тажлы” сир тағы ла бер кешенең ғүмерен ҡыйҙы. Был хаҡта бөгөн Һаулыҡ һаҡлау министрлығында хәбәр иттеләр.

Һәләк булыусы – Бәләбәй районынан. 64 йәшлек ҡатын коронавирустан тыш, икенсе типлы шәкәр диабеты, сегментар атрофия, склероз, липоматоз менән сирләгән. Ул республикала пандемия тарала башланғандан алып коронавирустан донъя ҡуйыусы 44-се кеше.

Хәтерегеҙгә төшөрәбеҙ, һуңғы тәүлек эсендә COVID-19 диагнозы 47 кешегә ҡуйылған. Бөтә Рәсәйҙә һуңғы тәүлектә барлығы 197 кеше коронавирустан һәләк булды. “Тажлы сир” илдә барлығы 22 454 кешенең ғүмерен ҡыйҙы.

Яңылыҡ авторы: Мәликә Әхтәмова

фото ИА «Башинформ»

Йәшлек сайтынан алынды