«Тиҙ ярҙам» машиналары ни өсөн сиратҡа торған?

Кисә был фотоһүрәт интернет селтәрҙәренә таралып республика йәшәүселәрен ҡурҡыуға һалғайны. Һаулыҡ һаҡлау министрлығы бына нимә тигән:

- Үҙәктә генераль йыйыштырыу үткәрелде, шуға күрә тығын барлыҡҡа килде. 18:30 сәғәткә барлыҡ машиналар ҡабул ителде.

Иҫегеҙгә төшөрәбеҙ, һуңғы тәүлектә Башҡортостанда КОВИД-19 вирусы 47 кешелә асыҡланып, пандемия башланған осорҙан сирләүселәр һаны 9098-гә етте. 108 кеше әле дауаханала ята, уларҙың 6-һы ауыр хәлдә, бер кеше үпкәне яһалма елләтеү ҡоролмаһына тоташтырылған. Тәүлек эсендә яңы инфекциянан 11 кеше һауығып сыҡҡан. Үлем статистикаһы үҙгәрешһеҙ ҡала.

Фото: "Башинформ".

Яңылыҡ авторы: Инсаф Хужабирганов

Йәшлек сайтынан алынды