- Малҡайҙар махсус транспорт менән белгестәр күҙәтеүендә бер нисә тәүлек килде. Улар юлды яҡшы үткәргән. Барыһы ла айырыуса хәүефле ауырыуҙарҙы асыҡлау йәһәтенән махсус тикшереүҙәр үтте, анализ өсөн ҡандары алынды. Тикшереүҙәр күрһәтеүенсә, улар сәләмәт, әле бер айға карантинға ҡуйылдылар. Быҙауларға 2-3 ай ҡалғас, уларҙы төп фермаға күсерәсәкбеҙ.
Голштиндар – донъяла иң һөтлө тоҡом. Был малдар сәләмәтлектәре буйынса ла айырылып торалар, төрлө һауа шарттарына һәм климатҡа тиҙ яраҡлашалар. Улар ҙур кәүҙәле, үгеҙҙәре 1200 килограмға тиклем етә ала, ә һыйырҙарының ауырлығы уртаса 650-750 килограмм тәшкил итә.