Радий Хәбиров – “ҡыҙыл зона”ла

Дауахананың баш табибы Радик Ғәлимов әйтеүенсә, 2 октябргә ҡарата пневмония менән сирләгән 358 кеше бокстарҙа ята, шуларҙың 22-һе – реанимацияла. Учреждениела урын­дарға ҡытлыҡ күҙәтелә, шуға күрә ауырыуҙар палаталар бушағанын көтөп, үҙәк коридорында ятырға мәжбүр.

Радий Хәбиров дауахананың “ҡыҙыл зона”һында булды, табиптар һәм пациенттар менән аралашты, үҙәк коллективына ҙур эш башҡарғаны һәм юғары профессионализм өсөн рәхмәт әйтте.

– Яңы учреждениены тиҙ арала сифатлы итеп һалған өсөн төҙөүселәргә рәхмәтлемен. Бында система уйланып эшләнгән. Ул сирҙең таралыуына кәртә ҡуя. Әммә уның да ҡеүәте сикле. Ошоға бәйле республика райондары өсөн Стәрлетамаҡ ҡалаһында йәнә бер йоғошло ауырыуҙар үҙәген төҙөү мәсьәләһе ҡарала, – тине Радий Хәбиров.