ОСАГО – ышаныслы компания

- Айрат Әбүзәр улы, 2020 йыл һеҙҙең компания өсөн нимәһе менән иҫтәлекле булды?
- Беҙҙең өсөн иң мөһиме - клиенттар. Ағымдағы йыл эш һөҙөмтәләрен барлап, ҙур ғо­рурлыҡ менән әйтә алам – беҙҙең офистың бер клиенты ла иғти­барҙан ситтә ҡалмай. Клиент­­тар өсөн хеҙмәттәр даирәһе арта, республикала өҫтәмә офистар барлыҡҡа килә.
- Клиенттар өсөн ниндәй хеҙмәттәр өҫтәлде һәм ниндәй яңылыҡтар бар?
- Быйыл көтөлмәгән хәл барлыҡ өлкәләргә, шул иҫәптән страховкалау өлкәһенә лә ҡағыл­май ҡалманы. 2020 йыл башынан беҙ страховкалау килешеүҙәрен, ғәмәлдәге киле­шеүҙәргә үҙгә­рештәр индереү һәм сығымдарҙы көйләү хеҙмәттәрен онлайн ре­жимда күрһәтеүгә күстек. Шулай уҡ страховкалау хеҙмәткәр­ҙә­ренә килеүселәр өсөн офиста уңайлы эш графигы төҙөлдө. Ваҡытында килешеү төҙөргә онотҡан клиент­тар өсөн полис­тарҙы оҙайтыу һәм ваҡыты сығыу тураһында иҫтәренә төшөрөү тураһында хәбәр итеү буйынса стандарттар булдырылды.
Шулай уҡ ОСАГО менән килешеү төҙөгән һәм аварияһыҙ йөрөгән клиенттар өсөн таш­ламалар, страховкалау мәсьәлә­ләре буйынса консультация би­реү, шул иҫәптән сығымдарҙы көйләү буйынса хеҙмәттәр һаҡланып ҡалды.
- Райондағы сраховкалау хеҙ­мәт­кәрҙәре һеҙҙең менән килешеү төҙөмәгән клиенттар менән эшләгәндә ниндәй ауыр­лыҡтар менән осраша?
- Тәү сиратта был өлкәлә мутлашыусыларҙың һәм яуап­һыҙ һатыусыларҙың күп булыуы ауырлыҡтар тыуҙыра. Полисты йорттан сыҡмай ғына, онлайн тултырырға ла мөмкин. Ләкин мутлашыусылар сайтына ғына юлыҡмаһындар – ундағы ин­терфейс нәҡ беҙҙекенә оҡшаш, шундай уҡ полис, шундай уҡ түләү, ләкин шуны онотмағыҙ – улар алдаҡсы. Улар Рәсәй авто­тстрахов­калаусылары берлеге базаһында юҡ. Уны аҡса түләгәс кенә, тикшерә алаһығыҙ. Һө­ҙөмтәлә, һеҙ мутлашыусылар иҫәбенә 5 мең һум аҡса күсе­рәһегеҙ, тигән һүҙ, һәм уны ки­ренән ҡайтарып булмаясаҡ. Алдан уҡ Рәсәй автостра­хов­калаусылары берлеге база­һы буйынса полисты тикшерә һәм уның ысынмы-түгелме икәнен асыҡларға мөмкин. Йыш ҡына уның ялған булыуы тураһында 400 мең һумға тиклем зыян килгәндә генә беленә. Күҙ ал­дына килтерегеҙ: полис алдығыҙ һәм имен генә йөрөгәндә юл-транспорт ваҡиғаһына эләктегеҙ, һәм страховкаланған ҡаза күреүсе һеҙгә 100-200 мең һум аҡса түләргә тейеш, тигән ҡағыҙ килә, ул ваҡытта ялған полис хужаһы уны үҙ кеҫәһенән түләргә бурыслы.

Аҙағын гәзит биттәренән уҡығыҙ