Алдығыҙҙа ҡатмарлы мәсьәләләр килеп сығасаҡ. Әгәр ваҡыт-көсөгөҙҙө дөрөҫ файҙалана алһағыҙ, барыһын да булдырырһығыҙ. Башығыҙға өмөтлө фекерҙәр килер. Уларҙы онотмағыҙ, бер аҙҙан бойомға ашырырға сират етер. Күңелегеҙгә ятмаған кешеләр менән мөмкин тиклем аралашмаҫҡа тырышығыҙ.
Үткән ваҡиғалар шауҡымы һаман да һиҙелер һымаҡ. Ашыҡмай ғына эштәрегеҙҙе барлағыҙ, тамамланмай ҡалғандары ла байтаҡ ҡына буғай. Шаршамбы һәм шәмбе иң уңышлы көндәрегеҙ буласаҡ. Был арала һис тә көтөлмәгән тәҡдим ишетеүегеҙ ҙә бар. Йондоҙҙар унан ҡырҡа баш тартырға ҡуша.
Ҙур теләк менән эш итерһегеҙ. Уҡып йөрөгәндәр ҙә мотлаҡ уңышҡа ирешәсәк. Шулай ҙа ашығырға кәңәш ителә – шаршамбынан һуң дөйөм хәлегеҙ кирегә үҙгәрер. Артабан эштәрегеҙ ҡыйынлыҡ менән барасаҡ. Элек һеҙ ярҙам өмөт иткән кешеләрҙең һүҙендә тормауы ла ихтимал.
Аҙна бер аҙ көсөргәнешлерәк башланыр. Йыш ҡына ашығыс эш итерһегеҙ. Бәғзеләр көтөлмәгән хәлдәргә осрауы бар. Ҡайһы ваҡытта ярҙамға мохтажлыҡ кисерерһегеҙ, ләкин уны табыуы еңел булмаҫ. Кесе йомала күптән көткән яҡшы хәбәрҙәр килер.
Ҡәҙимге осор. Көндәрегеҙ бер-береһенә оҡшаш булыр, моғайын. Ниндәйҙер эште башлап ебәреүегеҙ бар, тик аҙаҡ үкенеүегеҙ ҙә мөмкин. Уны уйлағандан күпкә ҡыйыныраҡ башҡарырһығыҙ, сөнки нимәнелер иҫәпкә алырға онотҡанһығыҙ һымаҡ. Кесе йомала уйламаған сығымдар көтөгөҙ.
Әллә ни иҫтә ҡалырлыҡ мөһим ваҡиғалар булмаҫ һымаҡ. Шулай ҙа хыялығыҙға табан тағы ла бер бәләкәй генә аҙым яһарһығыҙ. Был үҙенән-үҙе килеп сығыр, артыҡ көс тә түкмәҫһегеҙ, бәлки. Шаршамбыла бүләк тәҡдим итеүҙәре ихтимал, уны тыныс ҡабул итегеҙ.
Көндәр бер аҙ ҡатмарлы көтөлә. Бәғзеләр һеҙгә баҫым яһарға маташыр. Әлбиттә, был һеҙгә оҡшамаҫ. Шишәмбелә юҡ-бар өсөн кәйефегеҙ ҡырылыр. Был арала ҡабул иткән ҡарарҙарығыҙҙың хаталы булыуы ла бар. Аҙаҡ быға үкенерһегеҙ кеүек.
Барыһы ла һәйбәт барасаҡ. Осраған ҡыйынлыҡтар һеҙҙе һис тә ҡурҡытмаҫ. Аралашыуҙа ла уңырһығыҙ, иоғайын. Был арала ышаныслы фекерҙәш таба алырһығыҙ. Осраҡлы ғына булдырған танышлыҡ оҙайлыға әүерелер. Йомала ишеткән яңылыҡ кәйефегеҙҙе тағы ла күтәрер.
Көндәр ҡәҙимгесә булыр, тип фараз ителә. Ыңғай һәм ҡыҙыҡлы ваҡиғалар көтөлә. Башығыҙҙа өмөтлө уй-фекерҙәр ҙә тыуып торор, уларҙы бойомға ашырыу тураһында ла уйланырһығыҙ. Икеләнеүҙәрһеҙ ҙә булмаҫтыр. Йондоҙҙар улар тураһында бер кемгә лә белдермәҫкә кәңәш итә.
Аҙна араһында бер нисә осрашыу буласаҡ. Уларҙың барыһы ла һеҙгә оҡшамауы ла ихтимал. Шулай ҙа был хәл кәйефегеҙҙе төшөрмәҫ. Шаршамбыла яҡын кешегеҙҙең йомошо менән булышырһығыҙ. Аҡса менән бәйле мәсьәләләр бер аҙ борсоп торор. Был йүнәлештә «алтын тауҙар» вәғәҙә иткәндәргә ышанмағыҙ.
Аралашыуҙа мотлаҡ уңырһығыҙ. Элек дәғүә тыуҙырған мәсьәләләргә ҡарата уртаҡ ҡараш табыуы ауыр булмаҫ. Фекерҙәштәрегеҙҙең һаны ла артыр. Төп эшегеҙҙәге уңыштар әллә ни һиҙелмәҫ. Шулай ҙа улар төҫмөрләнә башлар, моғайын. Һеҙҙән тейешле аҙымдар яһау ғына талап ителә.
Яңылыҡ авторы: Өмөтбай
фото т.роза