Нәфсегә баш була алмағас...

Бәләбәй районының Баженово ауылындағы почта бүлексәһе начальнигы сейфтан 177 мең һум аҡса урлай. Ә эҙҙе юйыр өсөн бинаға ут төртә. Был турала "Интересная Уфа" баҫмаһы хәбәр итә.

Һөҙөмтәлә килтерелгән дөйөм зыян 700 мең һум тирәһенә барып баҫа. Аҡсаны 26 йәшлек ҡыҙ үҙ мәнфәғәттәрендә тотона.

Почта хеҙмәткәренә ҡарата енәйәт эше ҡуҙғатылып, эш судҡа ебәрелгән. Ул ғәйебен таныған. Ҡырын эш ҡырҡ йылдан һуң да беленә тиҙәр. Нәфсене йүгәнләй ҙә белергә кәрәк, юғиһә закон алдында яуап бирергә тура киләсәк.

Фото: 360tv.ru