Мәкерле сир китергә уйламай...

Башҡортостанда һуңғы тәүлектә йәнә 44 кешенең коронавирус инфекцияһын йоҡтороуы асыҡланды. Шулай итеп, сир теркәлгән осраҡтар 8917-гә етте, пандемия осоронда барлығы 8198 ауырыу һауыҡҡан. Яңы үлем осраҡтары тураһында әйтелмәй, коронавирустан һәләк булғандарҙың һаны элеккесә 41.

Әлеге ваҡытта 678 ауырыу дауалана, уларҙың 82-һе стационарҙа, ҡалғандары - амбулатор шарттарҙа.

Һуңғы тәүлектә Рәсәйҙә коронавирус инфекцияһын йоҡторғандар һаны 9859-ға еткән һәм,ҡыҙғанысҡа ҡаршы, 174 ауырыу вафат булған.

Мәкерле сирҙең тиҙ генә бирешергә теләмәүе асыҡ, статистика шуны күрһәтә. Быға эпидемиологик ҡағиҙәләрҙе теүәл үтәмәүебеҙ, санитария-гигиена талаптарын һанға һуҡмауыбыҙ ҙа сәбәпсе. Инфекцияның таралыуына юл ҡуймау өсөн барыбыҙҙың да хәлде айыҡ баһалауыбыҙ, битлек, социаль арауыҡ режимын күҙәтеүебеҙ шарт.

Фото: BashNews.