Даирә
+8 °С
Болотло
Бөтә яңылыҡтар
Башҡа яңылыҡтар
2 Октябрь 2020, 04:26

Туғыҙ айлыҡ сабыйҙы кем ағыулаған?

Бындай ата-әсәнең йәне юҡтыр...

Ағымдағы йылдың һигеҙ айында 25 бала алкоголь менән ағыуланған, тип хәбәр итә Башҡортостандың “Роспотребнадзор” идаралығы. Статистиканан күренеүенсә, ағыуланыу осраҡтарының күбеһе Өфөгә тура килә. Шуларҙың араһында башҡа һыймаҫлыҡ ваҡиға – туғыҙ айлыҡ һәм бер йәшлек сабыйҙарҙың алкоголдән ағыуланыуы. Шулай уҡ 13 йәшлек - дүрт, 8 һәм 12 йәшлек - ике, 14 йәшлек биш бала ошондай хәлгә дусар булған. Баш ҡаланан тыш, Стәрлетамаҡта, Ишембайҙа, Салауатта һәм Өфө, Салауат райондарында хәүефле ваҡиғалар теркәлгән. Йыл башынан алып республикала киҫкен ағыуланыуҙың 1 638 осрағы асыҡланған. Уларҙың 380-е фажиғә менән тамамланған. Былтыр бындай хәлдәр тағы ла күберәк булған (2 098). Фото: "ProUfu" Автор: Дина Арсланова https://bash.rbsmi.ru/articles/kh-ef-e-lek/Tu-i-ayli-sabiy-i-kem-a-iula-an-479957/
Читайте нас: