Һәләтле педагог һәм яҡшы кеше

Ҡырмыҫҡалы гимна­зия­һы­ның технология уҡы­тыу­сыһы Фирҙәүес Әхмә­ҙуллин нәҡ шундай мөһим сифаттарға эйә. Фирҙәүес Наил улы Кәсеүән ауылында 1955 йылда алты ма­лай тәрбиәләгән ғаи­ләлә би­шен­се бала булып донъяға килә.
Кескәй Фирҙәүескә 4 йәш тулғанда ғаилә Ҡырмыҫҡалы ауылына күсеп килә. Дуҫтары уны шул саҡтарҙа уҡ бар уйын­дарҙы башлап ебәреүсе шуҡ ма­лай итеп хәтерләйҙәр. Ә кистә­рен көтөү көткәндә Фир­ҙәүес эргәһенә үҙе кеүек көтөү­селәр­ҙе йыйып, мәҙәк хәлдәр, көлә­мәстәр һөйләргә ярата. Ип­тәш­тәре уларҙы мауығып тың­лап, йыш ҡына малдарын да юғалтып ҡайталар.
Буласаҡ һөнәрен һайлауҙа Фирҙәүескә 1-се Ҡырмыҫҡалы мәктәбе директоры Семен Михай­лович Чугункин, хеҙмәт һәм башланғыс хәрби әҙерлек уҡытыусыһы Миҙхәт Һаҙый улы Мөхәмәтшиндар менән аралашырға тура килеүе лә йоғонто яһағандыр, моғайын. Бала саҡтан хеҙмәткә өйрәнеп үҫкән­лектән, Фирҙәүес 8-се клас­та уҡыған сағында уҡ мейес һалыу оҫталығына ла өйрәнә. Һуңынан хәрби ко­мис­сариат йүнәлтмәһе бу­йынса баш ҡала­ла авто­мәк­тәптә уҡый, артабан 53-се күсмә механи­калашты­рыл­ған колоннала стропаль­щик һәм ташсы һө­нәр­ҙәрен үҙ­ләш­терә. Бы­ның менән генә туҡтап ҡал­май, уҡыуын Стәр­ле­тамаҡ тө­ҙө­лөш технику­мын­да дауам итә.

Татьяна Мусина,
гимназия уҡытыусыһы.

Аҙағын гәзит биттәренән уҡығыҙ.