Быйылғы байрам саралары Өфөнөң тәүге губернаторы Григорий Аксаковтың тыуыуына 200 йыл тулыуға арналды. Григорий Аксаков – билдәле рус яҙыусыһы, йәмәғәт эшмәкәре, әҙәбиәт һәм театр тәнҡитсеһе Сергей Тимофеевич Аксаковтың улы. Ул 1865 йылдың июненән 1867 йылдың ғинуарына тиклем Өфө губернияһын етәкләгән була.
Район Мәҙәниәт һарайында иһә XXX Халыҡ-ара Аксаков көндәре сиктәрендә “Аксаков әкиәттәре” театрлаштырылған концерты уҙғарылды. Унда төп ролдәрҙе мәҙәниәт һарайы артистары башҡарһа, моңло йырҙар һәм осҡон сәсеп торған бейеүҙәр менән райондың үҙешмәкәр коллективтары сығыш яһаны. Кескәй тамашасыларға һәм уларҙың ата-әсәләренә сағыу тамаша бик оҡшаны.
Сара рус әҙәбиәтенә һөйөү тәрбиәләргә һәм тарих төпкөлөнә сумырға ярҙам итте.
Фәниә Сәлимгәрәева.
Автор фотолары.