“Ул сит илдә ял итергә ярата ине”

53 йәшлек ҡатын 27 августан бирле хәбәр биргәне юҡ, яҡындары һәм дуҫтары уның өсөн борсола.

“Комсомольская правда” порталы хәбәр итеүенсә, юғалған ханымдың дуҫтары уның сит илдә булыу ихтималлығы бар, был хаҡта бер кемгә лә әйтмәүе мөмкин, тип белдерә.

"Люба сит илдә ял итергә ярата ине. Быйыл яҙ ул бер нисә аҙна Вьетнамдағы курортта булып, ошо илде бик оҡшатып ҡайтҡайны, ҡабат унда барам тип һөйләгәйне. Бәлки, был юлы ла ситкә осҡандыр, тик был хаҡта әйтмәгәндер? Барыһы ла яҡшы булыр тип өмөтләнәм", - тигән юғалған ҡатындың бер дуҫы.

Любовь Скачкованың билдәләренә килгәндә, буйы 158 сантиметр самаһы, ҡаҡса кәүҙәле, ерән сәсле, йәшел күҙле.

Әгәр ҙә һеҙгә фотолағы ҡатын таныш булһа, уны күрһәгеҙ, хоҡуҡ һаҡлау органдарына йә 8 (987) 106-06-01 телефоны буйынса ирекмәндәргә хәбәр итеүегеҙ һорала.

Фото: gorobzor.ru