Радий Хәбиров бала сағында биолог булырға хыялланған

Башҡортостан башлығы Радий Хәбиров Түбәнге Ҡыйғы ауылы мәҙәниәт йортоноң «Үҫеш нөктәһе» балалар телевизион студияһы журналистарына интервью бирҙе

Башҡортостан башлығы Радий Хәбиров Түбәнге Ҡыйғы ауылы мәҙәниәт йортоноң «Үҫеш нөктәһе» балалар телевизион студияһы журналистарына интервьюһында бала сағында биолог булырға хыялланыуы, ләкин яҙмыштыр инде, хәҙер иһә Башҡортостан башлығы булып эшләүе һәм тыуған республикаһы халҡына хеҙмәт итеүе хаҡында һөйләне. Республика башлығы һүҙҙәренсә, республиканың төньяҡ-көнсығышында эшһөйәр, изге күңелле кешеләр йәшәй.

«Халыҡтың эске мәҙәниәте бай, дәрәжәһе, тәбиғәте бик матур. Киләһе йылда һеҙҙең Йүрүҙән йылғаһы буйлап йөҙөрмөн, быйыл йөҙөүҙә тәүге тәжрибәне Бөрйән районында алдым», — тине Радий Хәбиров, йәш журналистарҙың һорауҙарына яуап биреп.

Уҡыусыларға ул яҡшы уҡыуҙарын теләне.