Өс кешенең ғүмере өҙөлгән

Үлемесле юл-транспорт ваҡиғаһы кисә Краснокама районында була.

Арлан-Әшит автомобиль юл трассаһының 6-сы километрында ремонт эштәре барған булған. Ағиҙел ҡалаһынан 46 йәшлек ҡатын ВАЗ-2107 автомобилендә "Vogele" маркалы асфальт түшәүсе техникаға барып бәрелә. Бәрелеү шул тиклем көслө була: водитель һәм уның ике пассажиры ваҡиға урынында уҡ йән бирә. Вафат булыусыларҙың береһе - 58 йәшлек ир, икенсеһе - 32 йәшлек ҡатын була. Шулай уҡ 18 йәшлек йәш егет тә зыян күрә. Әле авария сәбәптәре асыҡлана.

Бер тәүлек эсендә республика юлдарында 10 юл-транспорт ваҡиғаһы теркәлгән, унда өс кешенең ғүмере өҙөлгән, 13 кеше төрлө тән йәрәхәттәре алған.

Юлдарҙа һаҡ булығыҙ, тиҙлек режимын һаҡлағыҙ!

Фото: "Башинформ"