Ҡыҙға ни бары 20 йәш булған...

Ҡот осҡос юл-транспорт ваҡиғаһында 20 генә йәшлек ҡыҙҙың ғүмере өҙөлгән.

Бөгөн иртә менән Ҡырғыҙ-Миәкә - Бишбүләк автомобиль юлының 9-сы километрында үлемесле авария була. Volkswagen Tiguan автомобиленә идара иткән 21 йәшлек егет ҡаршы яҡ һыҙатҡа сығып, юлдан ситкә осҡан һәм түңкәрелгән. Автомобиль салонындағы 20 йәшлек пассажир ҡыҙ ваҡиға урынында уҡ йән биргән. Шулай уҡ уның икенсе пассажиры - 21 йәшлек егет ауыр тән йәрәхәттәре менән дауаханаға оҙатылған.

Әле йәшәп тә өлгөрмәгән йәш ҡыҙҙың ғүмеренең өҙөлөүе бигерәк тә аяныслы. Уның ата-әсәһен һәм яҡындарының ҡайғыһын уртаҡлашабыҙ, сабырлыҡ һәм түҙемлек теләйбеҙ.

Фото: "Башинформ"